საკანონმდებლო

პედაგოგიური პრაქტიკის კვლევა

30 дек. 2014 г.

28 дек. 2014 г.

„ფოტო-სინთეზი“ კონკურსი და ნიკო კეცხოველის სახელობის პრემია

22 დეკემბერი –  21 მარტი

ფოტოკონკურსის თემატიკა:
კონკურსანტის მიერ წარმოდგენილი ფოტოები (დადებითად ან უარყოფითად) უნდა ასახავდეს ტყეებთან და სატყეო დარგთან დაკავშირებულ შემდეგ ასპექტებს:
·         ტყეები და ტყის ეკოსისტემები
·         ცოცხალი სამყარო და ბიომრავალფეროვნება
·         გლობალური კონტექსტი
·         ტყის ფასეულობები /სოციალური, ეკონომიკური, ეკოლოგიური/
·         სატყეო პრობლემატიკა და ისტორია
·         ტყის ფუნქციები /ნიადაგდაცვითი, წყალმარეგულირებელი, სოციალური, ეკონომიკური, კულტურული, რეკრეაციული, საკონსერვაციო/
·         ტყის დაცვა
·         ტყის მოვლა-აღდგენა
·         ტყეთსარგებლობა
·         გადამუშავება/პროდუქცია
·         გამოყენება
·         გათბობა/შეშა/შეშის ღუმელები
·         სკოლა და ტყე
·         ადამიანი /ტყესთან მიმართებაში/
ფოტოკონკურსში მონაწილეობის წესები:
·         კონკურსში მონაწილეობისთვის დარეგისტირდით ვებგვერდზე forestry.cenn.org
·         ატვირთეთ თქვენ მიერ გადაღებული ფოტო/ფოტოები აღნიშნულ ვებ-გვერდზე;
ატვირთული ფოტოები, რომლებიც შეესაბამება თემატიკას, განთავსდება CENN-ის Facebook-ის გვერდზეhttps://www.facebook.com/ThinkNaturally
·         ფოტოების წარმოდგენის ბოლო ვადაა 2015 წლის 10 თებერვალი

26 дек. 2014 г.

მედალოსანთა დაჯილდოვება

დღეს, 26 დეკემბერს, ქ.რუსთვის #21 საჯარო სკოლაში ჩატარდა 2013-2014 სასწ.წლის ოქროსა და ვერცხლის მედალოსანთა დაჯილდოვება, სამოქალაქო განათლების ოლიმპიადის პირველი ტურის გამარჯვებულებს კი გადაეცათ საჩუქრები.
ღონისძიება ქ.რუსთავის საგანმანათლებლო რესურსცენტრის ორგანიზებით მოეწყო.

მედალოსნები


ოქროს მედლები გადაეცათ ჩვენი სკოლის კურსდამთვრებულებს: ანა წერეთელსა და გიორგი ქურთაულს, რომლებმაც მისაღები გამოცდებიც წარმატებით ჩააბარეს, გრანტის მფლობელები გახდნენ და წელს უკვე სტუდენტები არიან.


წარმატებებს ვუსურვებთ მომავალშიც ანას და გიორგის!...

მოდის წელი ახალი...

მალე შემოაბიჯებს ახალი 2015 წელი!  წელი, რომელსაც ახალი იმედები, რწმენა, სიკეთე,  სიხარული, ბარაქა და ბედნიერება მოაქვს თითოეული ჩვენგანისთვის.
განსაკუთრებით ხომ პატარებს ახარებთ ახალი წლის სტუმრობა და ძველის გაცილება?! სწორედ ამგვარი განწყობა სუფევს ქ.რუსთვის #20 საჯარო სკოლაში. ყოველდღე, ერთმანეთს ენაცვლებიან პატარები სკოლის სცენაზე თავიანთი წარმოდგენებით. მათ შეძლეს  სიმღერებით, ლექსებით, ცეკვით გაელამაზებინათ მშობლებისა და თავიანთ აღზრდელ-პედაგოგებისათვის დღე.
აი, ისინიც.
მე-2 ა კლასის მოსწავლეები (დამრიგებელი ნინო ჯიმშელაძე) თავიანთი საახალწლო წარმოდგენით

 მე-2 გ კლასი (დამრიგებელი: ნინო მოდებაძე)


თოვლის ბაბუაც გვესტუმრა საჩუქრებით
1-ლი კლასი (დამრიგებელი: მაია კორაშვილი) საშობაო ზღაპრით წარსდგნენ მაყურებლის წინაშე და გააცოცხლეს ზღაპრების გმირები

მე-4 კლასის (დამრიგებელი: თეა გოზალიშვილი) მოსწავლეებმა მხიარული საახალწლო შეჯიბრება მოაწყვეს და მშობლებთან ერთად ავიდნენ სცენაზე. თვითონაც ისიამოვნეს და მაყურებლის აპლოდისმენტებიც დაიმსახურეს. საგონებელში მხოლოდ ჟიური ჩააგდეს.
შეჯიბრის გახსნა

სიმღერა მშობლებთან ერთად

საახალწლო ზეიმი გრძელდება....

24 дек. 2014 г.

საქველმოქმედო კონცერტი

დღეს, 24 დეკემბერს, რუსთავის გ.ლორთქიფანიძის სახელობის თეატრში ჩატარდა საქველმოქმედო კონცერტი  რუსთავის საჯარო და კერძო სკოლების მოსწავლეების მონაწილეობით.


საქველმოქმედო აქციაში აქტიურად ჩაერთო სკოლის თვითმმართველობა, რომლის ინიციატივით შეგროვდა გარკვეული თანხა მელიქიძის დასახმარებლად.
       კონცერტზე კი მეოცე სკოლის სახელით მაყურებლის წინაშე სიმღერით  წარსდგა ანაბელა ბუკუკიშვილი.


23 дек. 2014 г.

სკოლის სტუმრები - მეცამეტე თვის პოეტები

რამდენიმე დღეა მათ სტუმრობას მოუთმენლად ველოდით სკოლაში. ახალგაზრდა, შემოქმედი, ინტელექტუალი ახალგაზრდები, რომლებიც თავიანთ ლექსებში ცდილობენ გადმოსცენ სათქმელი, რათა ააჩქროლონ გული, თანამედროვეთ გაახსენონ წინაპართა ქართველობა, შეაყვარონ სიკეთე და ღამეები ატეხინონ შეყვარებულთ...
მეცამეტე თვის პოეტები!




პოეტური გარეგნობა. მჭექარე ტემბრი. გულწრფელი ღიმილი და გულღია საუბარი.
მოგონება ოთოზეც.
გამოწვევა პრობლემების დანახვისა და თითოეულ ჩვენგანში პასუხისმგებლობის შეგნების გახსენების.
იუმორიც და დიალოგიც.
იყო აპლოდისმენტი.
პოეტური რითმა.
ავტოგრაფები.
კმაყოფილი აუდიტორია.
კეთილი სურვილები.









 

ლიტერატურული კონკურსი

მღელვარე პაექრობა გამოუვიდათ მე-5 კლასელებს (ქართულის პედაგოგები: მ. მიმინოშვილი, ნ.დათაშვილი). ერთმანეთს პარალელური კლასების  გუნდები ეჯიბრებოდნენ და ცდილობდნენ მოეხიბლათ ჟიური და დაერწმუნებინათ მაყურებელი, თუ როგორ უყვართ მშობლიური ენა და ლიტერატურა.
სამი ბავშვებისთვის საყვარელი მწერლის: ნოდარ დუმბაძის, რევაზ ინანიშვილისა და გოფერძი ჩოხელის შესახებ მოძიებული მასალებით შექმნილი გაზეთების პრეზენტაცია შეცვალა კითხვა-პასუხების ტურმა, შემდეგ მწერალთა  შემოქმედებიდან  ეპიზოდების მხატვრულმა კითხვამ და, ბოლოს, ინსცენირებამ.






მიუხედავად იმისა, რომ მე-5 ბ და მე-5 გ კლასები ღირსეულად ცდილობდნენ ნასწავლის წარმოჩენას, გამარჯვება მე-5 ა კლასმა მოიპოვა.



საუბრები ლექსო გელაშვილთან

რუსთავის #20 სკოლის მოსწავლეებისთვის უცხო არ არის ლექსო გელაშვილის სახელი. წელს კიდევ ერთხელ შედგა მასთან შეხვედრა ქართული ენისა და ლიტერატურის პედაგოგის მარინე მიმინოშვილის ორგანიზებითა და სკოლის დირექციის მხარდაჭერით.
თუმცა ამ შეხვედრას წინ უძღოდა ლ. გელაშვილის ფილმის,  ,,ლაზარეს", ჩვენება, რომელმაც მნახველებში გამოიწვია  მოწონება, აღფრთოვანება და იქვე  დაიბადა შეკითხვები, რომლებსაც ავტორზე უკეთ, ალბათ ვერავინ უპასუხებდა  და გაჩნდა იდეაც, ლექსოსთან შეხვედრის.
ტკბილქართულით უამბო  შეკრებილ მოსწავლეებს ბატონმა ლექსომ ქართველთა წარსული და შეახსენა ღვთის ხატად გაჩენილი ადამის მოდგმის ამქვეყნიური დანიშნულება.საინტერესო მაგალითებითა და ფაქტებით  გასცა კითხვებს პასუხი და კიდევ ერთი საინტერესო დღე აჩუქა ახალგაზრდებს.

21 дек. 2014 г.

20 დეკემბერს, რუსთავის სკოლის მოსწავლეთა თვითმართველობათა გაერთიანების ორგანიზებით ჩატარდა კონფერენცია - ,,პოზიცია მედალი''. კონფერენციაში მონაწილეობა მიიღეს რუსთავის სკოლების წარმომადგენლებმა. კონკურსის სპონსორი იყო ,,GIZ'' (გიზი - გერმანული თანამშრომლობის საერთაშორისო თანამეგობრობა). 
კოფერენციაში მონაწილეობას იღებდნენ ჩვენი სკოლის მოსწავლეები: სოფო ჩიტიშვილი, მარიამ გიგაური, თიკა სულთანიშვილი და თვითმმართველობის თავმჯდომარე ირაკლი  რამიშვილი.



მონაწილეებს გადაეცათ სერთიფიკატები და საჩუქრად წიგნი - სამართლის ქალაქი. გარდა ამისა ჟიურის წევრებმა შეარჩიეს სამი საუკეთესო სკოლა, რომელებიც სიგელებით დაჯილდოვდნენ. საუკეთესო სამეული კი ასე გადანაწილდა - 
პირველი ადგილი _ მე-17 საჯარო სკოლა.
მეორე ადგილი _ მე-20 საჯარო სკოლა.
მესამე ადგილი_ მე-5 საჯარო სკოლა

წარმატებები მეოცესკოლელებო!.....



20 дек. 2014 г.

,,შექმენი საახალწლო ნაძვის ხე"

კონკურსს ,,შექმენი საახალწლო ნაძვის ხე" დიდი გამოხმაურება მოჰყვა სკოლაში. მოსწავლეებმა გულდასმით იმუშავეს და   სხვადასხვა მეორადი მასალებისაგან - მაკულატურის, ბიჟუტერიის, პოლიეთინის ბოთლების, სარეცხი ღრუბელის, ხელსაწმენდის, ქსოვილისა და თექისგანაც კი დაამზადეს ნაძვის ხეები.
გამოფენა მეტად საინტერესო და სასიამოვნო აღმოჩნდა მნახველთათვის.
 გთავაზობთ ფოტო-კოლაჟს